الكبة المقلية

المقادير:
كيلو برغل <<انا بفضل البرغل الاسمر
كيلو لحمة مفرومة
5 حبات بصل متوسطين
طحين قمح
ملح
كمون
فلفل اسود مطحون
حب هال مطحون
بهارات مشكلة
صنوبر مقلي
ملعقتين زيت زيتون
واكيد زيت غزير للقلي

الطريقة:
اول شي طريقة اعداد البرغل انا طريقتي مختلفة عن اغلب الطرق المعروضة من قبل الصبايا
بس طريقتي جدا شهية وما بدها لحمة او بطاطا مسلوق ولا شي

-نعمل على تنقية البرغل من اي شوائب او احجار تكون موجودة فيه
-نغسله بالماء غسلا خفيفا
-نضع كمية البرغل الموجودة عندنا في طنجرة مناسبة
-نضغ فوقه الماء بحيث يكون مستوى الماء اعلى من البرغل بمقدار 1 سم
-نضعه على النار على نار متوسطة
-نضيف الآن ملعقتي طعام من ملح الطعام وكمون حسب الرغبة
-عند غليان الماء نقلب البرغل قليلا ونخفف عنه النار ونغطي الطنجرة
-نتركه حتى يتنشف ماؤه
-ثم نخرجه من الطنجرة ونضعه في صدر واسع ونتركه ليبرد
<<<<متل ما ملاحظين انه طبخنا البرغل متل ما بنطبخ الرز

الآن بعد ان برد البرغل
-نحضر طحين القمح لاضافته للبرغل
-كمية الطحين تعتمد على نوعية الدقيق الموجود عندنا انا استخدمت يدي كمقياس وملأتها مرتين دقيق واضفتها للبرغل
-نعمل على عجن البرغل مع الطحين حتى تتشكل لدينا عجينة متماسكة
-نجرب العجينة بيدنا اذا كانت سهلة التشكيل وقوامها جيد فنكتفي من العجن
اذا كانت لازالت طرية نضيف مزيد من الطحين ونعجن

في هذه الاثناء نكون حضرنا الحشوة وهي عبارة عن لحم مفروم معصج مع البصل

-نفرم البصل فرما ناعما
-نضيف فوقه الزيت ونضعه على نار متوسطة
-نقوم بتحريكه من فترة لاخرى الى ان يتذبل
-نضيف الآن اللحمة المفرومة ونقلبها مع البصل الى ان تستوي نوعا ما ويتنشف ماؤها
-لا ننسى اضافة الملح على البصل واللحمة

-الآن بعد ان استوت اللحمة نرفعها عن النار
-انا اضيف البهارات بعد الاستواء بضل طعمها ظاهر اكتر ورائحتها بتجنن
-نضيف الفلفل الاسود وحب الهال المطحون واحيانا اضيف بعض البهارات المشكلة
-نضيف ملعقتي طعام زيت زيتون للحمة<<<بيعطي طعم جنان
-نضيف الصنوبر المقلي
-نقلب اللحمة مع البهارات لتختلط وتتجانس

الآن نحن جاهزين للبدء في تكبيب الكبة

رح اشرح الخطوات بالتفصيل ورح تكون موضحة بالصور

-نجتاج الى صحن صغير فيه ماء ليساعدنا على تشكيل العجينة دون ان تلتصق بايدينا
-ممكن ان نستعمل الزيت بدل الماء ولكن انا بفضل الماء
-نقوم الآن بتشكيل البرغل على شكل كرات صغيرة
-كما في الصورة 2 نستخدم اصبع السبابة لدهن راحة يدنا بالماء<<<قليل جدا من الماء
-الصورة 3 نضع الكرة في راحة يدنا ونبدا بتشكيلها بواسطة سبابة اليد الاخرى
نقوم باصابع يدنا الممدودة بتحريك الكرة
وبالسبابة نقوم بالضغط الخفيف على العجينة لتشكيلها
ومتل ما ملاحظين انا بستخدم يدي اليسرى والطريقة لليد اليمنى نفس الشي
-الصورة 4 هذه النتيجة بعد التشكيل
-الصورة 5 لاحظوا السماكة للحبة المشكلة كل ما كانت ارق بتكون اطيب وانا عاملتها كتير رقيقة
-الصورة 6 نضع الحشوة داخل الكبة
-الصورة 7 تبين الطريقة التي يجب ان امسك فيها حبة الكبة للبدء باغلاقها
-الصورة 8 انظروا كيف وضعت الكبة في راحة يدي للبدء باغلاقها
-الصورة 9 نمسك حبة الكبة من الاسفل ونبدا بتدويرها مع الضغط براحة يدنا الاخرى للعمل على تسكيرها

<<<طبعا كل ما شفنا حبة الكبة بدات بالاتصاق بيدنا بنرطب يدنا بالماء مع اصبع السبابة

-وهكذا حصلنا على الشكل النهائي للكبة
-اذا كان يوجد شقوق في حبة الكبة نسويها باصبعنا باستخدام القليل من الماء

الآن القلي
-نضع الزيت في طنجرة ونراعي ان يكون الزيت غزيرا
-انا بخلط زيت الذرة مع قليل من زيت الزيتون
-نضع الزيت على النار ليحمى
-يجب ان يكون زيت قلي الكبة حامي جدا فلا نبدا باضافة حبات الكبة الا بعد ان يتصاعد بخار او دخان من الزيت بعد ان يقدح جيدا
-نضيف الكبة ويجب ان تكون مغمورة بالزيت كما في الصورة 2
-نترك الكبة بحدود دقيقة ثم نخفض النار لكي تستوي حبة الكبة من الداخل ونتركها 5 دقائق تقريبا
-نرفع النار مرة اخرى لكي تتحمر الحبة من الخارج وتاخذ لونا جميلا
-ثم نرفع الكبة من الزيت وانا هنا اضعها في طنجرة اخرى واغلق عليها لتصبح طريه نوعا ما

ثم نضعها في صحن التقديم

لا حظوا كيف حبة الكبة من الداخل رقيقة وحوافها متساوية ومستوية مو معجنة
<<<<على فكرة الست الشاطرة والمعدلة هي الي بتكون حبة الكبة عندها متساوية الحواف
على راي ام صاحبتي الله يرحمها كانت هيك تضل تقلي لما تدوق الكبة من عندي

طبعا الكبة تقدم باردة او ساخنة على الجهتين طيبة
وانا بحب اقدم معها لبن رائب وسلطة
يعني صحيح هي مقبلات بس بحسها بدها كمان مقبلات متل اللبن والسلطة

انا جعانه