خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
ـــــــــــــــــــــــــــ
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
ـــــــــــــــــــــــــــــــــــ
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
ــــــــــــــــــــــــــــــ
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
ــــــــــــــــــــــــــ
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
ـــــــــــــــــــــ
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
ـــــــــــــــــ
__________________
ورجعنا تاني شوقي ليك خلاني انسى اي بعاد ما بينا
وكل يوم عدى
ورجعنا تاني في حاجات وحشاني
فرحه كنت خلاص حبيبي نسيتها من مدهورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
ـــــــــــــــــــــــــ
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
__________
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
__________
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
ــــــــــــــــــــ
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
ـــــــــــــــــ
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
_______ أنا اللى بالامر المحال اغتوى
شفت القمر نطيت لفوق فى الهوى
طلته ماطلتوش ايه انا يهمنى
وليه...مدام بانشوة قلبى ارتوى
---------------------------------
سمعت نقطة مية جوة المحيط
بتقول لنقطة متنزليش فى الغويط
أخاف عليكى من الغرق..قلت انا
ده اللى يخاف من الوعد يبقى عبيط
-------------------------------
سنوات وفايته عليا فوج بعد فوج
واحدة خدتنى ابن والتانية زوج
والتالتة اب خدتنى والرابعة ايه
ايه يعمل اللى يحدفه موج لموج؟
[center]---------------------------
انا قلبى كان شخشيخة اصبح جرس
جلجلت به صحيوا الخدم والحرس
انا المهرج..قمتو ليه خفتو ليه
لاف ايدى سيف ولا تحت منى فرس __________________
لو عندى اغلى من عينى ياحبيب عينى كنت اشيلك فيها
لو عندى اغلى من روحى ياحبيب روحى كنت افديك بيها
لو املك كنت ابيع عمرى حبيب عمرى عشان ارضيك
لو تسمع بس اهاتى اهاتى وخوفى عليك
انت عارف انت ايه بالنسبة ليا......
انت اغلى واغلى عندى من حياتى ونور عنيا
انت حياتى كل حياتى....اه وحياتى ...........
............بحبك................. :) :) :)
[/center]
موضوع: صلاح جاهين العبقرى..رباعياته 
الأربعاء نوفمبر 12, 2008 7:32 pm
