فى يوم 27 رمضان طبعا كنت سهرانه شويه اصلى وشويه نت وشويه قرآن
تنويع يعنى لحد ما صليت الفجر ونمت ...المهم انا عاده لما مفيش كليه بصحى على الساعه 2 كده يعنى فماما عارفه انى لما بصحى بجرى على الكمبيوتر اشوف رسايل او رد او اى حاجه
فماما كانت واخده نينه وراحه للدكتور وهتتاخر هناك فكتبت ورقه اطبخى على ما أجى واتصرفى اللى زيك معاها عيال
ده على اساس انى مولوده سنه النكسه يعنى........
لقيت 20 جنيه بس طيب اعمل بيهم ايه دول واشترى ايه.
صحيت اخويا فقالى اتصرفى وسبينى انام احسن مش مهم اقول هههههههههه
قلت لنفسى هشترى سمك ب15 جنيه والخمسه اشحن رصيد
المهم نقيت الرز وجهزت للسلطه ولسه هلبس واطلع السوق لقيت بتاع عداد الميه
عايز 16 جنيه تمن وصل الميه ولسه بقوله ماما مش هنا قال خلاص روحى ادفعى فى الشركه مع الغرامه
المهم دفعت وخلاص
لكن المشكله هطبخ ايه.........
رحت ادور فى التلاجه على اى حاجه لقيت كيس بحجم كوره التنس او اكبر شويه لحمه مفروما
جبتها وجبت شبت وبصل وبقسماط وعملت بيهم شويه كفته حلوين وطبختهم بصلصه
وعملت عصير مانجو
وطبخت لنينه شعريه لسان عصفور
المدفع ضرب وماما وصلت واكلت والحمد لله شكرت الاكل وقالت انتى شاطره اهه امال بتمكرى ليه ومش عايزه تدخلى المطبخ
انا فرحت طبعا ورحت جبت الوصل وال4 جنيه واعتطهملها فقالت جبتى اللحمه بايه فقلت انا اتصرفت من التلاجه
فاستغربت وقالت تلاجه ايه!!!!!!
انا محطتش لحمه فى التلاجه ولا بحب اخزن لحمه وبحب اشترى ظازه..
فقلت دى كانت فى كيس ابيض ومحطوطه فى كيس اصفر تانى فى الفريزر
قالت يانهارك زى بعضه........
هى دى لحمتنا؟؟؟
دى لحمه ام امجد جارتنا لان التلاجه عندها مفسوده....
انا رحت وخداها فطه واحده على حجرتى وقفلت الباب وقلت عليه العوض مش هسهر على النت الليلادى
وبعت ورقه من تحت عقب الباب محدش يزعجنى اصل انا تعبانه قوى
برضه العمر مش بعزقه ههههههههه
ايه رايكم فى تصرفى ده؟؟
موضوع: كنت هضرب ضرب ههههههههه 
الثلاثاء نوفمبر 11, 2008 8:56 pm
انتى اصلا لو مكانى هتعملى مصايب 
مش مصيبه واحده
